VOLEJBOLL

Një javë pas nisjes së kampionatit të meshkujve, nesër do të nisë edhe kampionati i volejbollit të femrave. Vllaznia ndeshjen e saj të parë do ta luajë në Durrës ndaj Teutës. Në ndryshim me kampionatin e kaluar, ekipi shkodran sivjet pretendon që të futet në katërshen e ekipeve më të mira të kampionatit, për të luajtur pastaj në play-off.

Ditën e diel, me datën 8 tetor, do të nisë edhe Kampionati Kombëtar i volejbollit për të rinj, ndërsa një javë më pas, me datën 15 tetor, do të nisë edhe kampionati i të rejave. Sipas asaj që ka bërë të ditur Federata Shqiptare e Volejbollit, në kampionatin e të rinjve do të marrin pjesë 10 ekipe që do të luajnë të gjithë në një grup.

Vetëm gjashtë ditë më parë Vllaznia do të fitonte 3-2 në Tiranë ndaj Partizanit dhe do t'i rrëmbente atij Kupën e FSHV-së. Por sot ishte, në ndeshjen e parë të kampionatit, ishte tjetër gjë. Një Vllazni "e dehur" nga ai sukses, nuk ka treguar asgjë nga vlerat e saj dhe është mundur 0-3 brenda në "Qazim Dervishi".

Pas ndeshjes së sotme me Partizanin të cilin Vllaznia e humbi me rezultatin 0-3, trajneri i ekipit shkodran Adrian Mikopli është parë tejet i mërzitur. Në një prononcim për mediat në lidhje me këtë humbje dhe paraqitje të dobët të volejbollistëve shkodranë, ai ka deklaruar:

E ka nisur në mënyrën e duhur karrierën me ekipin e tij, atë gjerman "Bisons Buhl" volejbollisti shkodran Anton Qafarena. Në një turne të zhvilluar nga ky ekip gjatë këtyre ditëve në Kalabri të Italisë, ai ka arritur të zërë vendin e parë. "Vend i parë në një turne në Itali, një nisje e mbarë e sezonit"- shkruan në faqen e tij në instagram shkodrani.

Pas titullit kampion të fituar pak muaj më parë, volejbollistët e Vllaznisë fitojnë një tjetër trofe. Atë të Kupës së Federatës Shqiptare të Volejbollit. Pas një loje dramatike, skuadra kampione e Vllaznisë ka fituar sot në mbrëmje 3-2 ndaj Partizanit, në finalen e Kupës së FSHV-së në volejboll për meshkuj, takim që u luajt në sallën sportive “Feti Borova”, pranë Tirana Olimpik Park.

Ashtu siç pritej, volejbollistët e Vllaznisë kanë arritur të sigurojnë daljen në finalen e Kupës së Federatës Shqiptare të Volejbollit. Përballë tyre ka qenë ekipi Farka Volej dhe në ndeshjen e luajtur në sallën sportive "Feti Borova" të kryeqytetit, ata kanë triumfuar me rezultatin 3-1. Seti i parë është fituar nga shkodranët 25-18 dhe po ashtu edhe i dyti në shifra edhe më të thella, 25-14.

Sezoni i ri 2017-2018 në volejboll është në prag dhe më datën 22 shtator do të luhen takimet e para, teksa do të ngrejë siparin Kupa e Federatës, aktiviteti që si zakonisht çel veprimtaritë e sportit të rrjetës. Në këtë aktivitet do të marrin pjesë 4 skuadrat e para të sezonit të fundit e më saktësisht Barleti Volej, Tirana, Partizani e Teuta për femra si dhe skuadrat e Vllaznisë, Farka Volley, Studentit e Partizanit për meshkuj.

Këtë fundjavë në Tiranë do të zhvillohet Kupa e Federatës Shqiptare të Volejbollit me pjesmarrjen e katër ekipeve më të mira të kampionatit të kaluar. Vllaznia vjen si kampione në fuqi dhe në ndeshjen e parë do të ndeshet me Farka Volej. I pyetur në lidhje me pretendimet që do të ketë ekipi shkodran në këtë aktivitet, trajneri Adrian Mikopli do të shprehej:

Një nga lojtarët më me përvojë i ekipit të volejbollit të Vllaznisë, Nikolin Qafarena, i është rikthyer sërish stërvitjes. Ai para disa kohësh kishte vendosur që të mos bashkohej me shokët e tjerë të ekipit në stërvitje duke mos u bënë nën urdhërat e trajnerit Mikopli sepse kishte pretendime financiare. Drejtuesit e klubit ishin munduar t'ia shpjegonin se nuk mund të kishte rritje të pagës aq sa mendonte ai megjithatë lojtari me përvojë nuk u bind dhe për këtë arsye, për një muaj me rradhë vendosi të mos stërvitej duke menduar edhe kalimin në ekipe të tjera apo dhe lënien e sportit.