VOLEJBOLL

Titujt kampionë për ekipet e Sportklub Vllaznisë nuk ndalen. Pas atij të volejbollit për të rritur, të futbollit të femrave dhe të basketbollistëve të rinj, një tjetër titull kampion pritet të vijë në Shkodër pasditen e së dielës. Bëhet fjalë për ekipin e volejbollit të të rejave të Vllaznisë. Ai do të luajë edhe një finale të dytë ndaj Skënderbeut, këtë herë në Korçë dhe të gjitha shanset janë që vazjat kuqeblu të meritojnë trofeun. Ato kanë fituar finalen e parë të luajtur në Shkodër tre ditë më parë, me rezultatin e pastër 3-0 dhe me këtë rezultat, por edhe me diferencën e madhe të pikëve në mes dy ekipeve, duket se të gjitha mundësitë janë që Vllaznia të shpallet kampione.

Mjafton të ishe prezent në ndeshjen e djeshme finale të kampionatit kombëtar të volejbollit për të reja në mes Vllaznisë dhe Skënderbeut dhe padyshim lojtarja që ka spikatur ka qenë nr.1 i ekipit shkodran. Bëhet fjalë për Stela Kirin, e cila luan në rolin e liberos dhe me paraqitjen e saj ka merituar shumë duartrokitje nga sportdashësit e shumtë të pranishëm në pallatin e sportit "Qazim Dervishi". Mënyra si ajo luante, hedhjet e saj në parket për të mos lënë asnjë top që të prekte fushën, kanë bërë për vete të gjithë.

Titulli kampion i fituar pak ditë më parë, ka sjellë një atmosferë shumë entuziaste në Shkodër. Kuptohet që edhe të qenurit titulli i parë në historinë e Vllaznisë, ka dhënë efektin e vet. Drejtuesit e ekipit megjithatë nuk duan të ndalen këtu. Objektivi i tyre padyshim që është ruajtja e kësaj vazhdimësie dhe për ta bërë këtë gjë, kuptohet se puna e nisur duhet të vazhdojë. Gjëja e parë që kanë ndër mend të bëjnë është konfirmimi i pjesmarrjes në Kupat e Europës, pikërisht në "Challenge Cup" aty marrin pjesë zakonisht ekipet shqiptare.

Suksesi i ekipit të volejbollit të meshkujve të Vllaznisë që pak ditë më parë siguroi të parin titull në historinë e tij, nuk ka kaluar pa fituar vëmendjen edhe të Federatës Europiane të Volejbollit. Në faqen e saj zyrtare, ai i ka kushtuar një artikull të veçantë këtij suksesi me titull: "Sensacioni i Shqipërisë, feston titullin historik të kampionatit kombëtar". Në vijim të shkrimit, ka shumë fjalë interesante për këtë ekip, duke thënë se në fillim u mendua se do të ishin jashtë play off-it por më pas bënë një seri ndeshjes të shkëlqyera për të dalë fitimtarë në fundin e Ligës kombëtare.

Volejbollistet e reja të Vllaznisë pasi kanë kaluar në gjysmëfinale Tiranën, kanë bërë sot të njëjtën gjë duke fituar edhe në finalen e parë të kampionatit, atë ndaj Skënderbeut, finale kjo e luajtur në pallatin e sportit "Qazim Dervishi". Rezultati i arritur në fund të kësaj finaleje të parë ka qenë 3-0 për vajzat kuqeblu që drejtohen nga trajneri Adrian Mikopli. Takimi është ndjekur nga 400-500 tifozë të cilët i kanë dhënë një atmosferë shumë entuziaste atij. Vllaznia e ka nisur mirë ndeshjen, ka fituar setin e parë 25-17, të dytin 25-16 dhe të tretin 25-13 duke fituar kësisoj krejt ndeshjen me një rezultat të pastër.

Suksesi i ekipit të volejbollit të meshkujve të Vllaznisë që arriti të shpallej për herë të parë në historinë e tij kampion i Shqipërisë, nuk mund të kalonte kurrsesi pa vëmendjen e kryebashkiakes Voltana Ademi. Ajo edhe më parë ka treguar se është shumë e ndjeshme ndaj sukseseve të ekipeve sportive të Shkodrës dhe të njëjtën gjë ka bërë edhe këtë herë teksa nuk ka rezervuar një pritje zyrtare në zyrën e saj por ka shtruar një darkë për ekipin e volejbollit të meshkujve të Vllaznisë të saposhpallur kampion.

Ëndrrën e madhe për t'u shpallur kampion nuk e arriti si sportist por e provoi mbrëmë si trajner. Në të parin sezon në krye të Vllaznisë, ai ka arritur ta nxjerrë atë kampione të vendit për herë të parë në historinë e klubit shkodran. Mark Kroqi, ndihet në delir për triumfin e arritur. “Fati i madh për ne, fati i madh për mua, për këtë brez që në njëfarë mënyre rikuperuan diçka që prej shumë vitesh të tjerë e kanë kërkuar. Përmend lojtarë me zë që ka pasur Shqipëria e Shkodra duke filluar me Tonin Fistanin, Ali Bushatin, Adrian Shirokën, Irfan Boriçi, vijuar me një brez më të ri Gjon Mjedën, Gjon Çobën, Besnik Lishën e të tjerë, një plejadë që kanë dhënë mjaft për volejbollin shqiptar, por që nuk kanë arritur ta marrin të paktën një titull kampion.

Njeriu që e ka prekur i pari kupën e kampionit në historinë e ekipit të Vllaznisë është padyshim kapiteni Ditmir Rrashketa. Ai ka përjetuar një ndjesi të veçantë të cilën për fat të keq, shumë breza të njohur sportistësh cilësorë shkodranë, nuk patën shansin ta provojnë në karrierën e tyre. Ditmir Rrashketa për të gjitha këto është shprehur i lumtur, i emocionuar dhe entuziast për titullin e fituar me Vllazninë. “Nuk kam fjalë për ta përshkruar këtë emocion. Jam shpallur disa herë kampion kur kam qenë pjesë e Studentit dhe natyrisht çdo titull kampion i fituar ka bukurinë e tij, por kësaj here ndjesitë ishin ndryshe, për vetë faktin që Vllaznia e fitonte për herë të parë, unë si lojtar dhe kapiten, si dhe më e rëndësishmja me skuadrën e qytetit tënd është një titull që shijon edhe më shumë.

Skuadra e Vllaznisë në volejboll për meshkuj është shpallur sot kampione e Shqipërisë për sezonin sportiv 2016-2017, për herë të parë në historinë e saj. Ekipi që drejtohet nga trajneri Mark Kroqi mposhti sot Studenti me rezultatin 3-1, në finalen e tretë të play off-it të luajtur në “Asllan Rusi”, duke fituar 3-0 me ndeshje. Një triumf i merituar i skuadrës shkodrane, që edhe pse u kualifikua në gjysmëfinalet e play off-it në javën e fundit, arriti të bëjë një paraqitje të shkëlqyer në dy javët e fundit, duke eliminuar fillimisht Partizanin kryesues dhe mposhtur në finale Studentin kampion në fuqi.

Ëndërra e shumë brezave të volejbollit shkodran po shkon drejt konkretizimit këtë vit. Me shpalljen për herë të parë në historinë e Vllaznisë kampione e vendit. Mbase fati u ka takuar brezit aktual të volejbollistëve të drejtuar nga trajneri Kroqi, që të jenë ata kampionët. Dhe në fakt, drejt kësaj gjëje po shkohet. Fitimi i dy ndeshjeve të para ndaj Studentit, i ka dhënë epërsinë e duhur dhe njëkohësisht edhe qetësinë shkodranëve.