Ndeshjet e La Liga-s dhe Ligës së Kampionëve u ndezën në sezonin e kaluar, por të besuarit e Zinedine Zidane kanë luftuar këtë mandat, tashmë 16 pikë pas liderëve të arratisur, Barça dhe Lionel Messi. Ish-mesfushori i Barcelonës, Xavi, beson se Real Madridi nuk ka kulturën e futbollit të bukur në “Santiago Bernabeu”, duke theksuar kohën e Jose Mourinhos në krye të tij, më 2010-2013. “Barcelona është provimi përfundimtar për një lojtar, – tha Xavi, i cili tani luan për Al Sadd në Katar, teksa foli për “El Pais”.
– Është klubi më i vështirë dhe më i kërkuari në botë. Real Madridi nuk luan kaq bukur, por në “Bernabeu”, nëse një mbrojtës e mban topin në këmbë, është mirë. Real Madridi i Mourinhos e godiste topin drejtpërsëdrejti, në pjesën e sipërme. Mourinho u tha lojtarëve të tij që kurrë të mos e ndalnin topin, për të luajtur shpejt dhe pastaj Angel Di Maria, Cristiano Ronaldo, ose Karim Benzema do të thyejnë. Ata nuk duan të luajnë futboll.
Tani, shtatë lojtarë sulmojnë dhe Casemiro qëndron prapa, për të mbuluar qendrën. Mesfushori i Barcelonës, Sergio Busquets, nuk mund ta bëjë këtë, pasi nuk është i shpejtë si ai. Casemiro është super i shpejtë, por ka probleme me gjithçka tjetër, pasi nuk ka punuar në to. Ai ka karakteristika të tjera, është më mbrojtës, mbulon më shumë terren, por nuk dominon hapësirën”.
Xavi ishte, gjithashtu, kritik ndaj aspektit individual të disa lojtarëve të Real Madridit, pasi u pyet për Isco dhe Marco Asensio. “Këta të rinj duhet të dinë se çfarë më tha ish-trajneri i Spanjës, Luis Aragones: “A doni të luani futboll të bukur, apo futboll të mirë? Nuk dua të flas me emra, por në La Liga ka shumë lojtarë që kanë impresionuar dhe më pas janë zhdukur pa gjurmë. Messi është simboli i futbollit të mirë dhe kaq të bukur”./telesport/
