BOKS

Një lajm aspak i mirë për boksin shkodran. Kur pritej që ekipi i të rriturve të Vllaznisë të bëhej gati për marrjen pjesë në kampionatin kombëtar që do të zhvillohet javën e ardhshme në Vlorë, nga zyrat e klubit ka dalë lajmi se për këtë ekip nuk ka asnjë fond që do të mundësonte shkuarjen dhe qëndrimin katërditor në qytetin e Vlorës. Kjo është bërë e ditur për gazeten nga trajneri i këtij ekipi Zef Gjoni. Sipas tij, ka qenë shefi i klubit shumëspotësh Vllaznia, Mark Kroqi ai që ia ka komunikuar një lajm të tillë. Arsyeja duket se ka të bëjë me bllokimin e fondeve të klubit në Degën e Thesarit. Në kushte të tilla, kryetrajneri Gjoni ka bërë të ditur se ekipi i Vllaznisë nuk do të marrë pjesë në kampionatin që do të zhvillohet javën e ardhshme në qytetin e Vlorës.

Boksieri I Vllaznisë, vlonjati Rexhildo Zeneli ka zënë vendin e tretë në Kampionatin Europian të 18 vjeçarëve që është duke u zhvilluar në Roterdam të Hollandës. Në këtë mënyrë ai ka merituar medaljen e bronztë duke shënuar kështu një sukses të madh për boksin tonë. Paraqitja e tij në këtë aktivitet të rëndësishëm ka qenë mbresëlënëse. Ai ka kaluar tre ture duke sfiduar kundërshtarë të rëndësishëm dhe në gjysmëfinale është mundur nga një boksier nga Azerbajxhani megjithatë ka hyrë në zonën e medaljeve. Në turin e parë ai është kualifikuar me short ndërsa në të dytin ka mundur një boksier hungarez. Në turin e tretë, 17 vjeçari vlonjar ka mundur edhe një boksier slloven duke fituar të drejtën për të dalë në gjysmëfinaletë Europianit.

Kombëtarja shqiptare e boksit për 18 vjeçarë është grumbulluar prej disa ditësh në qytetin e shkodrës në kuadrin e përgatitjeve për kampionatin Europian që do të zhvillohet në muajin e ardhshëm në Roterdam të Hollandës. Pjesë e kësaj kombëtareje janë edhe dy boksierët e Vllaznisë Rexhildo Zeneli që do të konkurrojë në peshën 56 kg, Syrjan Marinaj që do të konkurrojë në peshën 75 kg. Pjesë e ekipit kombëtar do të jetë edhe boksieri i Flamurtarit Krenar Zeneli që do të konkurrojë në peshën 52 kg. Garat e Kampionatit Europian do të zhvillohen në Hollandë në datat 12 deri më 17 gusht dhe kombëtarja jonë do të qëndrojë e grumbulluar në Shkodër deri një ditë para nisjes për atje.

Kombëtarja shqiptare e boksit ka nisur nga e hëna grumbullimin e saj në Shkodër, në kuadër të përgatitjeve për Lojërat Mesdhetare që zhvillohen në fund të këtij muaji në Mersin të Turqisë. Pjesmarrës në këto Lojëra do të jenë tre boksierë, pikërisht Rexhildo Zeneli, Kristian Shytani dhe Kristian Demaj si dhe trajneri I kombëtares shqiptare Zef Gjoni. Ky I fundit, në një intervistë për  gazetën ka bërë të ditur se shpreson që boksierët tanë të kthehen me medalje nga Turqia. “Kemi hyrë në fazën më intensive të përgatitjeve për Lojërat Mesdhetare. Kombëtarja shqiptare e boksit do të marrë pjesë me tre sportistë, me Rexhildo Zenelin, Kristian Shytanin dhe Kristian Demën ndërsa unë jam trajneri I ekipit.

Që nga dita e hënë e javës që vjen, kombëtarja shqiptare e boksit do të grumbullohet në Shkodër. Bëhet fjalë për ekipin që do të përfaqësojë vendin tonë në Lojërat Mesdhetare. Pjesë e këtij ekipi siç dihet do jenë katër boksierët e Vllaznisë, tre shkodranë Kristian Shytani, Kristian Demaj dhe Nelson Hysa si dhe vlonjati Rexhildo Zeneli. Bashkë me ta do të jetë edhe trajneri I kombëtares sonë Zef Gjoni. Lajmi është bërë I ditur nga drejtues të Federatës Shqiptare të Boksit. Në fakt, ky është grumbullimi I dytë për boksierët tanë pasi pak ditë më parë, dy prej tyre, pikërisht Rexhildo Zeneli dhe Kristian Demaj kanë qenë në Francë ku kanë zhvilluar një stërvitje intensive në kampin olimpik francez bashkë me sportistët e këtij vendi por edhe të vendeve të tjera.

Ekipi i të rinjve të Vllaznisë në boks, ka arritur të shpallet kampion i Shqipërisë pas dy vitesh mungesë. Kjo ka ndodhur mesditën e sotme në kampionatin e zhvilluar në Shkodër. Madje, ka qenë ndeshja e fundit e ditës finale, ajo e peshës +91 kg që ka përcaktuar Vllazninë si kampione. Në fakt favorite deri në këtë ndeshje ka qenë Apolonia e Fierit për t'u shpallur ajo kampione. Nëse boksieri i saj Sotir Dyrmishi do kishte fituar këtë ndeshje të fundit, do ishin fierakët ata që do shpalleshin kampionë. Megjithatë kundërshtari i tij, lezhjani Elton Gjoni me goditjet e tij e ka vënë shumë në vështirësi fierakun, aq sa nga goditjet e shumta i ka shkaktuar gjakderdhje në hundë dhe për rrjedhojë ai nuk ka mundur ta vazhdojë dot më ndeshjen.

Gjysmëfinalet e kampionatit kombëtar të 18 vjeçarëve që po zhvillohet në Shkodër, nuk kanë shkuar krejt ashtu siç pritej për boksierët e Vllaznisë. Ky ekip kishte nxjerrë plot 8 boksierë në gjysmëfinale, më shumë se çdo ekip tjetër, por katër prej këtyre boksierëve janë mundur. Kështu, në peshën 49 kg Klodian Shpendi është mundur nga Ervin Dervishllari i Apolonisë. Në peshën 60 kg, Rexhildo Zeneli i Vllaznisë ka fituar ndaj Ervin Mzhikës së Eneas me rezultatin 8-5. Në peshën 64 kg Erald Mukja i Vllaznisë ka fituar ndaj Albion Myftarit të Dardanisë me nokaut. Në peshën 69 kg Gjon Nika i Vllaznisë ka fituar 11-10 ndaj Xhulio Mones së Apolonisë. Me fitore e ka mbyllur ndeshjen e tij në peshën 81 kg edhe Syrja Marinaj ndaj Muharrem Cimilit të Apolonisë me rezultatin 12-9.

Ka nisur pasditen e sotme në Shkodër kampionati kombëtar i boksit për 17-18 vjeçarët. Në të marrin pjesë 11 ekipe ndër to sigurisht që edhe Vllaznia e cila është edhe pretendentja kryesore për titullin kampion. Ekipi shkodran ka marrë pjesë në këtë kampionat me 9 boksierë dhe ndër to vetëm Bledar Zagani në peshën 52 kg ka humbur dhe nuk ka arritur të sigurojë dot gjysmëfinalen. Po sot, janë ndeshur në ringun e vendosur në pallatin e sportit "Qazim Dervishi" edhe disa boksierë të tjerë të Vllaznisë. Kështu Rexhildo Zeneli në peshën 60 kg ka fituar 10-7 ndaj Esin Egrës së Teutës.

Pas Memorialit të 10-të ndërkombëtar që u zhvillua muajin e kaluar, është Shkodra sërish qyteti që ka pritur një tjetër aktivitet të boksit shqiptar. Bëhet fjalë për kampionatin kombëtar të juniorëve (15-16 vjeçarët). Ai ka nisur dje në pallatin e sportit “Qazim Dervishi” dhe në të do të marrin pjesë 42 sportistë që përfaqësojnë 7 ekipe të vendit dhe pikërisht Vllazninë, Teutën, Apoloninë, Enean, Flamurtarin, Tomorin dhe Kukësin. Interesant është fakti që për të marrë pjesë në këtë kampionat janë paraqitur edhe dy ekipe të klubit Tirana, me sportistë dhe trajnerë të ndryshëm dhe të dy me listën e federimit të vulosur nga shefi I klubit Kasmi!!! Në kushte të tilla, gjyqtaria e ka parë të arsye të mos I federojë asnjë sportist dhe asnjërin ekip. Nisur nga kjo Tirana kësisoj ka munguar në këtë kampionat. Diçka e çuditshme por që vjen pas mosmarëveshjeve Brenda- përbrenda ekipit. Sa I takon ekipeve të tjera, janë shfaqur si pretendentë në ditën e parë Enea, Teuta, Apolonia dhe Flamurtari. Ndërkohë Vllaznia nuk ka patur pretendime me këtë grumoshë dhe prandaj nuk ka patur objektiv titullin sivjet.