SPORTE TE TJERA

Dje në Tiranë, pikërisht në sallën sportive "Fahrije Hoti" është zhvilluar kampionati kombëtar në sportin e taekondosë.Në këtë kampionat kanë marrë pjesë të gjithë ekipet e vendit dhe ndër to edhe Vllaznia e cila është përfaqësuar me 16 sportistë, të drejtuar nga trajneri Elion Puka. Ky ekip ka bërë një paraqitje shumë të mirë dhe për rrjedhojë në fund të kampionatit, në bazë të pikëve të grumbulluara, është shpallur kampion i Shqipërisë për vitin 2015. Sportistët e tij kanë arritur të marrin plot 12 medalje dhe ky është një sukses më vete. Më poshtë po ju japim pikërisht sportistët që kanë hyrë në zonën e medaljeve.

Turneu I 8-të ndërkombëtar I xhudos I zhvilluar një ditë më parë në Shkodër është mbyllur me sukses. Pjesmarrja e 200 sportistëve nga ekipe të vendeve të Rajonit ka qenë sigurisht që tregues I rëndësisë së këtij aktiviteti. Konkurrenca për të zënë vendin e parë natyrisht ka qenë e madhe në renditje ekipore pasi pjesmarrës ka qenë një ekip rumun, një ekip bullgar, gjashtë ekipe të Malit të Zi, tetë ekipe të Kosovës dhe tre ekipe të Shqipërisë. Në fund të turneut, në bazë të pikëve të grumbulluara, ekipi I Vllaznisë është renditur I pari duke lënë në të dytin ekipin e Policit të Kosovës dhe në të tretin Akademinë e Nikshiqit të Malit të Zi.

Paraditen e nesërme, konkretisht në orën 10.00 në pallatin e sportit "Qazim Dervishi" do të nisë turneu i VIII ndërkombëtar i xhudos "Vllaznia Cup". Në këtë turne të përvitshëm që zhvillohet nën kujdestarinë e Albania Judo Kodokan, me mbështetjen e Sportklub Vllaznia, do të marrin pjesë shumë sportistë dhe jo vetëm nga Shqipëria.

Çiklisti i Vllaznisë Bruno Kola ka bërë një paraqitje shumë të mirë në kupën "Sali Hima" të zhvilluar sot në kryeqytet dhe në fund të saj është renditur në vend të dytë. Në fakt, 14 vjeçari shkodran mund dhe duhej të ishte shpallur fitues por një gabim në tentativën e fundit drejt finishit, ka bërë që i pari ta prekë atë, një çiklist i Teutës. Pavarësisht kësaj, paraqitje e Kolës por edhe e çiklistëve të tjerë të Vllaznisë ka qenë shumë e mirë.

Këtë të shtunë do të zhvillohet gara e parë e çiklizmit për vitin 2015, pikërisht kupa “Sali Hima” në Tiranë. Në të do të marrin pjesë të gjithë ekipet e vendit dhe ajo që spikat në këtë garë të parë është padiskutim pjesmarrja e ekipit të Vllaznisë me përbërje të plotë, pra me 8 çiklistë. Kishte vite që nuk ndodhte kështu pasi ky sport në Shkodër ka qenë në prag të shkrirjes megjithatë puna e bërë dy vitet e fundit nga trajneri I këtij ekipi Sabetin Hoxha, I ndihmuar nga presidenti I shoqatës së çiklizmit Leonard Kola dhe të tjerë dashamirës të këtij sporti, ka dhënë shenjat e para madje në garën e nesërme, sipas trajnerit të ekipit shkodran priten edhe rezultate pozitive të këtyre sportistëve.

Një delegacion sportiv nga Italia i kryesuar nga Presidenti i Qendrave Sportive italiane, Massimo Achini dhe Mauizio Cadrega më rolin e kordinatorit të aktiviteteve me Shqipërinë zhvilloi paraditen e së premtes një takim me kreun e Qarkut Shkodër, Maxhid Cungu. Pjesë e grupit italian ishin edhe dy sportistët e Vllaznisë, volejbollistja Ana Gjelaj dhe futbollisti Antonio Marku, të cilët janë përzgjedhur nga italianët si trajnerë për organizimin e aktiviteteve sportive për Veriun shqiptar dhe më gjërë.

Ashtu siç ishte paralajmëruar nga ana e Bashkisë Shkodër, në ditët e para të janarit ka nisur heqja e parketit të pallatit të sportit “Qazim Dervishi”. Problemet që ky parket ka shfaqur që në momentin e shtrimit të tij, pat sensibilizuar drejtuesit e institucionit të pushtetit lokal të cilët nuk I kanë fondin firmës që u mor me shtrimin e tij. Në kushte të tilla, është urdhëruar heqja edhe njëherë e të gjithë parketit.

Sportklub Vllaznia ka shpallur paraditen e së enjtes 10 sportistët më të mirë të tij për vitin 2014 në një ceremoni shumë interesante. Më të mirët e këtij klubi janë shpallur pikërisht para këshilltarëve Bashkiak, përpara fillimit të mbledhjes së rradhës të këtij Këshilli. Një gjetje shumë interesante e drejtuesve të këtij klubi dhe veçanërisht e drejtorit Mark Kroqi, për ta bërë këtë ceremoni, pikërisht para njerëzve që votojnë për financat e këtij klubi dhe këtyre sportistëve.

Një ceremoni shumë interesante është zhvilluar mbrëmjen e së martës në pushimin e ndeshjes së basketbollit Vllaznia- Sigal Prishtina. Sportklub Vllaznia ka shfrytëzuar interesimin e madh të kësaj ndeshje për të nderuar 10 figura të shquara të sportit shkodran me titullin e lartë “Mirënjohja e Qytetit”, akorduar pak ditë më parë nga Këshilli Bashkiak Shkodër. Kuptohet që nuk ishte shumë e nevojshme për prezantim sepse emrat e tyre flisnin vetë.