SPORTE TE TJERA

Sportklub Vllaznia ka shpallur paraditen e së enjtes 10 sportistët më të mirë të tij për vitin 2014 në një ceremoni shumë interesante. Më të mirët e këtij klubi janë shpallur pikërisht para këshilltarëve Bashkiak, përpara fillimit të mbledhjes së rradhës të këtij Këshilli. Një gjetje shumë interesante e drejtuesve të këtij klubi dhe veçanërisht e drejtorit Mark Kroqi, për ta bërë këtë ceremoni, pikërisht para njerëzve që votojnë për financat e këtij klubi dhe këtyre sportistëve.

Një ceremoni shumë interesante është zhvilluar mbrëmjen e së martës në pushimin e ndeshjes së basketbollit Vllaznia- Sigal Prishtina. Sportklub Vllaznia ka shfrytëzuar interesimin e madh të kësaj ndeshje për të nderuar 10 figura të shquara të sportit shkodran me titullin e lartë “Mirënjohja e Qytetit”, akorduar pak ditë më parë nga Këshilli Bashkiak Shkodër. Kuptohet që nuk ishte shumë e nevojshme për prezantim sepse emrat e tyre flisnin vetë.

Një aktivitet shumë interesant ka qenë ai I garave me biçikleta për nxënësit e klasave të 9-ta dhe të 10-ta të shkollave të qytetit dhe të fshatrave përreth, organizuar paraditen e sotme nga Drejtoria Rajonale Arsimore në bashkëpunim me shoqatën e çiklizmit Vllaznia. Aktiviteti është organizuar me rastin e festimeve të 70 Vjetorit të Çiklizmit të vendit por edhe për përzgjedhjen e çiklistëve të ardhëm të Vllaznisë.

Për herë të parë pas shumë vitesh, një mundës I Vllaznisë arrin të shpallet kampion kombëtar. Ka ndodhur kështu me mundësin Qamil Bajrami I cili në peshën 74 kilogramë ka sfiduar të gjithë kundërshtarët e tij duke zënë vendin e parë në këtë peshë. Kampionati kombëtar I mundjes së lirë është zhvilluar ditën e shtunë në pallatin e sportit “Asllan Rusi” të kryeqytetit dhe ka patur një pjesmarrje të madhe sportistësh nga të gjithë ekipet e vendit.

Dita e djeshme ka qenë shumë intensive për punonjësit e pallatit të sportit “Qazim Dervishi”. Ata janë marrë me rregullimet e fundit të ambjentit në mënyrë që gjithçka të ishte gati për takimin e sotëm. Përpos kësaj, ka mbërritur edhe tabela e re elektronike si dhe është kompletuar edhe njëra tribunë me stolat  e duhur. Për shefin e klubit shumësportësh Vllaznia Mark Kroqi, tashmë çdo gjë është gati për ndeshjen por ai nuk ka “harruar” të lërë disa porosi për tifozët shkodranë.

Prokuroria e Shkodrës do të merret edhe me një çështje që ka të bëjë me sportin dhe konkretisht me pallatin e sportit “Qazim Dervishi”. Parketi i këtij të fundit, i përfunduar vetëm dy javë më parë, ka filluar të çahet dhe vetëm brenda pak ditësh sipas punonjësve të pallatit, pritet të dalë krejtësisht jashtë përdorimit. Për këtë arsye, drejtuesit e klubit shumësportësh Vllaznia kanë sinjalizuar Bashkinë Shkodër për këtë çështje dhe kjo ka njoftuar firmën ndërtuese që është marrë me shtrimin e tij.

Pas dy vitesh ndërprerje, sot ka rinisur sërish kampionati kombëtar i hendbollit. Këtë herë me pjesmarrjen e katër ekipeve, pikërisht Vllaznisë, Elbasanit, Tiranës dhe Flamurtarit. Java  e parë ka dhuruar sfidën e parë, atë në mes Vllaznisë dhe Elbasanit. Kjo ndeshje është zhvilluar në pallatin e sportit “Qazim Dervishi” dhe është shoqëruar me mjaft rivalitet por në fund kanë qenë miqtë ata që kanë fituar me rezultatin e ngushtë 24-23.

Rikonstruksioni I pallatit të sportit “Qazim Dervishi” më në fund ka përfunduar dhe nga dita e djeshme ekipet e lojërave me dorë kanë nisur stërvitjen në të. I pari që ka shkeluar në parketin e saposhtruar të tij, ka qenë ekipi I basketbollit të meshkujve të Vllaznisë. Trajneri Bledar Gjeçaj bashkë me sportistët e tij kanë zhvilluar seancën e parë stërvitore duke u munduar të përshtaten sa më shpejt me ambjentin e ri ku do të luajnë ndeshjet zyrtare të Ligës Ballkanike. Pas ekipit të basketbollit të meshkujve, aty kanë zhvilluar seancat stërvitore edhe ai I femrave si dhe dy ekipet e volejbollit.

Javën e ardhshme në Maribor të Sllovenisë do të zhvillohet Kampionati Ballkanik i taekondosë për të gjitha grupmoshat. Në mes ekipeve të tjera pjesmarrëse, do të jetë edhe Shqipëria e cila do të marrë pjesë me një ekip të plotë. Në rradhët e kësaj kombëtareje do të jenë edhe tre sportistë të Vllaznisë si dhe trajneri i saj Elion Puka. Kështu, Jordi Gërçari do të marrë pjesë në garat e kadetëve (mosha 12-14 vjeç) në peshën +65 kg, Dea Tërbuni do të marrë pjesë në kategorinë junior (14-17 vjeç) në peshën -59 kg si dhe Ditmir Vodinaj do të marrë pjesë në kategorinë senior (të rritur) në kategorinë -74 kg.