Kujtim Rrjolli, trajneri i madh i atletikës shkodrane
Bledar Mesi rrëfen “rekordin” e tij. Ja si ia dola të jem 16 herë...
Në garat e kampionatit kombëtar të atletikës, zhvilluar para pak ditësh në Tiranë, përveç suksesit të ekipit të meshkujve të Vllaznisë që u shpall për herë të shtatë rradhazi kampion i vendit, ka spikatur një tjetër rekord. Ai i vendosur nga sportisti Bledar Mesi që duke triumfuar në garën e 3000 metrave me pengesa, arriti të shpallet për të 16-tin vit rradhazi kampion i Shqipërisë!!! Një rezultat i jashtëzakonshëm i këtij atleti i cili në fakt ende nuk i ka dhënë lamtumirën këtij sporti dhe mbase vitin e ardhshëm do të kemi edhe titullin e 17-të të tij. Në një rrëfim ekskluziv për shkodrasport.com, Mesi shprehet i entuziasmuar për këtë sukses të veçantë.
Atleti shkodran Bajram Muça firmos kontratë në Gjermani
Dita e parë e kampionatit e suksesshme. Vllaznia pranë titullit
Dita e parë e kampionatit kombëtar të atletikës ka qenë shumë e sukseshme për atletët e Vllaznisë. Në garat e zhvilluara në këtë ditë, sportistët shkodranë kanë arritur të zënë katër vende të para. Kështu në garën e 100 metrave ka dominuar Mario Shestani me kohën 10'98 ndërsa në 400 metra, Lulzim Çengeli ka qenë i pari me kohën 50"28. Edhe Izmir Smajlaj në kërcim së gjati me 7.50 metra ka dalë i pari ashtu siç ka dalë edhe Vllaznia si ekip në stafetën 4 x 100 metra. Me këto rezultate por edhe me disa vende të dyta dhe të treta, ekipi shkodran duket në rrugë të mbarë për t'u shpallur kampion i këtij viti.
Vllaznia shpallet kampione për vitin 2015. Titulli i 7-të rradhazi
Ekipi i meshkujve të atletikës së Vllaznisë pasditen e sotme është shpallur kampion i Shqipërisë për vitin 2015. Ai ka grumbulluar më shumë pikë se çdo ekip duke u kurorëzuar kësisoj kampion edhe për këtë vit. Titulli i sivjetëm në fakt është i shtati rradhazi për të, çka tregon për dominimin absolut në atletikën shqiptare gjithë këto vite. Sot u zhvilluan garat e ditës së dytë të kampionatit, një ditë e ndarë në dy pjesë, ku paradite u zhvilluan garat e hedhjes (shtizë, çekiç, gjyle e disk) dhe pasdite garat e pistës dhe kërcimit në pistën e stadiumit kombëtar “Qemal Stafa”.
Marashi: Vllaznia do jetë kampione për të shtatin vit rradhazi
Vllaznia, shpallet kampione kombëtare e vrapimit në mal
Atletët e Vllaznisë janë shpallur kampionë të Shqipërisë në garat e kampionatit kombëtar të vrapimit në mal. Ky kampionat është zhvilluar ditën e djeshme rreth Kodrave të Liqenit Artificial në Tiranë dhe në të kanë marrë pjesë atletët më të mirë të Shqipërisë dhe të Kosovës. Në garën e 12 kilometrave, kanë dominuar atletët shkodranë të cilët në renditjen individuale kanë arritur të zënë vendin e dytë me anë të atletit Bledar Mesi dhe vendin e tretë me anë të Vladimir Haxhiajt. Ndërkohë në renditjen ekipore, ekipi I Vllaznisë ka dominuar mbi të tjerët duke zënë vendin e parë dhe duke u shpallur kampion I Shqipërisë edhe për këtë vit.
Lulëzim Çengeli, medalje bronzi në turneun e Bosnjës
Atleti shkodran Lulëzim Çengeli ka arritur të zërë vendin e tretë dhe të marrë medalje të bronztë në turneun ndërkombëtar që u zhvillua në Zenicë të Bosnjës ditën e djeshme. Ky ka qenë rezultati më i mirë që kanë arritur atletët tanë në këtë turne në të cilin kanë marrë pjesë sportistë nga shumë vende të Botës. Dy sportistët e garave të kërcimit, Ergys Gjeçaj dhe Suad Bashku ndërkohë, në kërcim së gjati kanë zënë vend të katërt dhe të pestë ndërsa Jolando Quku nuk është paraqitur ashtu si duhet në garën e 100 metrave. Sportistët kanë qenë të shoqëruar nga dy trajnerët e Vllaznisë, Albert Marashi dhe Fatjon Serhati që ndoshta prisnin edhe diçka më tepër nga ato megjithatë vendi i tretë i Çengelit është për t'u përgëzuar pavarësisht se ai ka konkurruar në garën e 20 vjeçarëve.
Katër atletë të Vllaznisë pjesmarrës në një turne në Bosnjë
Katër atletë të Vllaznisë janë nisur sot drejt Bosnjës për të marrë pjesë në një turne ndërkombëtar që zhvillohet atje. Ftesa e ardhur në adresë të ekipit shkodran është mirëpritur nga drejtuesit e tij dhe në këtë mënyrë është vendosur marrja pjesë në këtë turne që do të zhvillohet ditën e mërkurë në qytetin e Zenicës. Pjesmarrës në këtë turne do të jetë atleti Jonaldo Quku që do të konkurrojë në garat e 100 dhe 200 metrave, do jetë Lulëzim Çengeli që do të konkurrojë në 400 metra si dhe dy sportistët që do të konkurrojnë në garat e kërcimeve, atë të kërcimit së gjati dhe në trehapësh. Bëhet fjalë për Ergys Gjeçajn dhe Suad Bashkun. Këto dy sportistë do të jenë të shoqëruar nga trajnerët Albert Marashi dhe Fatjon Serhati.
Atletët e Vllaznisë dominojnë në kupën e “nderimit të figurave”
Është zhvilluar në pistën e stadiumit kombëtar “Qemal Stafa” në kryeqytet edicioni i radhës i turneut “Në nderim të figurave” në atletikë. Këtë vit, aktiviteti që gjithnjë e më shumë po merr përmasa ndërkombëtare, ka nderuar italianin Mario Pescante, ish-presidentin e Komitetit Olimpik Italian (CONI).Në këtë turne kanë marrë pjesë atletët më të mirë shqiptarë, që kanë testuar veten në prag të Lojërave të para Olimpike Europiane, që zhvillohen pas 3 javësh në Baku të Azerbajxhanit. Në pistë ishte edhe rekordmenia shqiptare e 1500 metrave Luiza Gega, që natyrisht fitoi në këtë garë.